Stabat Mater

Stabat Mater dolorosa

iuxta crucem lacrimosa,

dum pendebat Filius.

Cuius animam gementem

contristatam et dolentem

pertransivit gladius.

O quam tristis et afflicta

fuit illa benedicta

mater Unigeniti!

Quae maerebat et dolebat

pia mater cum videbat

nati poenas incliti.

Quis est homo qui non fleret,

matrem Christi si videret

in tanto supplicio?

Quis non posset contristari,

piam matrem contemplari

dolentum cum Filio?

Pro peccatis suae gentis

vidit Iesum in tormentis

et flagellis subditum.

Vidit suum dulcem Natum

morientem, desolatum,

cum emisit spiritum.

Christe, cum sit hinc exire,

da per matrem me venire

ad palmam victoriae. Amen